الحلقة ٢٢ من حلقات المسحراتي ٢٠٢١
_________
مسحراتي وماشي يستغرب
بيبص في كل الوشوش
عيون منه بتهرب
وتداري حتى الرموش
وشوش مش باين لها حال
يحتار اللى يبص ياخال
اطفال.. ستات.. ورجال....
كله بيدارى ويحوش
المسحراتي بيكلم حاله...
وكأنه عنده سؤال
والناس من فوق باصه له
وبتنده عليه العيال.....
تحسهم مساكين...
ايديهم مفيهاش عجين
عنيهم مش لامعين
واضح عليهم الحال
ويمشي ف حاله بيحسبن
ويتوه اوقات ف الطريق
وف كل الدنيا بيشيطن
يصارع الحال الغريق
اصحى يانايم...يانايم اصحى
اصحي ياام رفيق
رمضان كريم
__________
بقلمي /رمضان عبد الله أحمد
ليست هناك تعليقات:
إرسال تعليق