الحلقة ٣٠ والاخيرة من حلقات المسحراتي ٢٠٢١
--------------
من الهلال للهلال...... وانا شغال
وجبت.... احسن كلام يتقال
ياترى وفيت معاكم.... ولا ماليش
اني أسال دا السؤال؟؟؟؟
بصراحة عملت اللى عليا
وحطيت بكل حلقه وصيه
وانتهت وخلصت حلقاتي
كلكم بقى...... أدوني العيديه
كل عام وانتم بخير
كل سنه...... أنتم طيبين
للى اتفاعلوا عايز اعمل شير
ان شاء الله من الريان داخلين
تلاتين حلقه..... كتبنا كتير
وكل حلقه..... غير اللى التانيه
كان فضل الله..... علينا كبير
ودعمتوني ف كل ثانيه
على صوت طبلتي كنتوا بتصحوا
ياريت بقى..... تفضلوا صاحيين
وفى الأضحى..... ياريت تضحوا
وتفًرحوا المساكين
عايز اشكر كل الناس
اللى حضروا وشافوا كلامنا
كان تفاعلهم زي الماس
بادلونا سلامهم بسلامنا
اصحى يانايم هتستفيد
اصحي يلا افرح بالعيد
صحي ولادك..... افرح معاهم
اكيد وياك الفرحة تزيد
اصحى وحد الدايم.... وحد الرزاق
وخليك سعيد......
ومباركم عيدكم جميعا
"""""""""""""""""
بقلمي /رمضان عبد الله أحمد
ليست هناك تعليقات:
إرسال تعليق