.......البوم صور.....
افتح باب الذكريات
صور صحابك في الالبومات
شوف اللي كانوا قريبين
واللي بعدو من سنين
واللي كانوا حنين
واللي باين على الجبين
واللي كان بالف وش
واللي الضحكه في صورته غش
واللي في الضوء بس ابتسم
واللي حزنه في صورته اترسم
كله واضح في الوشوش
العمر باين في الرتوش
اللي وشه كان باشوف
واللي عمره راح فاشوش
واللي عمرك مانسيتوش
حتى لو جار بيه الزمن
واللي قلبه يؤتمن
على الكلام وعلى المشاعر
واللي اصبح فينا شاعر
واللي باع من غير ثمن
واللي اصبح لينا ناكر
والزمن فيه امتحن
كله باين
في الصور والذكريات
حتى باين اللي مات
واللي ناسي حتى اسمه
واتركن في المهملات
بس انت هات
وافتح بقى بالذكريات
صور صحابك في الالبومات
......محمد إبراهيم درويش......
ليست هناك تعليقات:
إرسال تعليق