غار النسيم...
هي حبة حب زرعتها نبتت
و طرحت جدايل ود
سقتها من دق قلبى أنا
أتفرعت سارحت
وعودها أمتد
ضلت عليا لمستها بالحسن
مالت وليا باست الخد
لملمت غصونها حضنتها
روتلي ريقي بماء الورد..
غار النسيم وهزها خربش
شواشي حسنها
قطع خلايج طلعها
نزلت دموع لملمتها
والسهم صابها وهان الود
قلع جدورها دبل زهورها
ع الأرض نامت من غير رد..
ندم النسيم وقال ياريت
سبت الحبيبه لحبها
بقيت عزول بصرخ وأقول
ماحد غيرى يميل لها
لا أنا طولت حب ولا غيرى طال!!
ولا حد ماده ضلها
مات الربيع شالها الخريف
ويا ا
لورق وعودها أتهد
والله طلعت وبسرعه دبلت
وأتبقي ليا بوسه ع الخد....كابو
ليست هناك تعليقات:
إرسال تعليق