إشترى. ماهو كتير بايع. وفيه اللى صايع. وبيتدارى فى الكلام
بعد الديباجه الطويله. وانت حبيبناوانت قريبنا يجى هتشترى.. بكام
زادت وغطت اللى بيقول نشترى راجل. مجهزلك سجنك التمام.
واللى تقولك بابا عايز فيا مليون. والطوبه اغلى منها وبدها لجام
إشترى.. ـــــــــــــــــــــــــــــــــــــــــــــــــــــــــــــــ
فيه عند ناس كتير. كل حاجه قابله للشرا ممكن تتباع
معندهمش خطوط حمرا. ومستنى إيه كله كله... ضاع
حتى الضمير سلعه. تشتريها بكام. والتمن عند.. البياع
والكدب فى كل حاجه بجميع الالوان. وبجميع الانواع
إشترى.. ـــــــــــــــــــــــــــــــــــــــــــــــــــــــــــــــ
المرتشى يطلب الرشوه.بعين قويه ويقولك دى حلاوه
الصايع اللى شغال فى الدعاره قواد يقولك دى شقاوه
اللى ياخدحق غيره بالعافيه. يقولك دى فهلوه وذكاوه
اللى يدوس ع. اللى.وصله.يقول زمنه راح ف الطراوه
إشترى.. ـــــــــــــــــــــــــــــــــــــــــــــــــــــــــــــــ
فلوسك منين مش مهم المهم إنك. فى الصوره ومعاك
المهم أنك جيت.وعلينا هليت مش مهم باب ولا شباك
واللى يقولك زور هو فيه حد بيدور مين هيدور وراك
فاكرينها متسابه ويحلالهم الضحك على الغلابه وإياك
إياك تنسى.إنك هتموت.عملك ملازمك وهيدفن. وياك
ليست هناك تعليقات:
إرسال تعليق