جربت انك تندبح لحظه زهق
تجرح في ناس
اوتنجرح
وتتوه حروفك عالورق
جربت بيعك بين حبايب
بارخص تمن
جربت احساسك بغربة
بين ناسك
ومعاك قلمك وكراسك
كانك مخلوق من غير وطن
جربت الخيانه
وانك تعيش
وانك تدوق طعم المهانه
كانك مخلوق من العفن
جربت في يوم يكسروك
ويجباروك
جربت تتوجع ياصاحبي
فيمنعوك
حتي احساسك ياقلبي
بشويه فلوس
باعوه
زي ماامبارح من كتر القسوة
ماخدوش بالهم
أنهم في الحقيقه بيكسروك
جربت وانت في حضنها
انك غريب
وكل يوم مع فرحتك
شمسك تغيب
مشاعرك تاهت بين ورق
عمرك كل ماتيجي تطوله
تلاقيه في لحظه بيتسرق
كان ذنبك ايه
عملت ايه
كان كل همك في الحياة
بتدور علي قشة
يمكن تنجيك ساعة الغرق
احمدعبدالحق
ليست هناك تعليقات:
إرسال تعليق