................(لغز العدالة)............
الأمريكان إتكلموا وبيصرخوا يتألموا
توب البراءة اترسم فوق الوشوش
لبسوا قناع الدروشه ويقسموا
حتى العقاب بقى يتحسم من غير رطوش
قالوا الكلام ويجسموا
طول عمرهم الأمريكان مابيرحموش
فجأة أراضي الخير وبيرسموا
بدروا بذور الضماير ع الأرض.. حوش
طرحت ضماير كلها جوه النعوش
الأمريكان اللي بيرفضوا بس الإدانة
لما اليهود على أرضنا بدروا الجيوش
مع كل جندي ألف دانة
وقبور في غزة في كل حوش
الأمريكان اللي رافضين عزانه
زرعوا الفضيله وحموها م الخدوش
الأمريكان اللي بيسرقوا لسه في غدانا
فوق الجثث ماشين وحوش
بيعلموا العالم معانا
اذاي يحافظوا ع الضمير ومايرمهوش
كتبوا كتب علشان أذانا
وقالولنا إن العدل يوم مانحللوش
الأمريكان بيوجهوا للروس إهانة
وبيعلنوا ان إعتداء الروس مالوڜ
شرعية أو حتى إستهانه
وسلاح يطير ومعاه جيوش
هدموا العراق وبيرفضوا حتى الإعانة
وكابول لسه بتشتكي هدم العروش
سوريا ولسه في يوم القيامة
سنين تفوت والأمريكان مابيتعبوش
علشان العدل فتحوا الخزانة
والعدل يوم ماعرفناهوش
وبيطلبوا منا الإعانة
لجل حرية فاشوش
ولا مرة احترموا فينا الرزانة
ولاشافوا مرة للعقول تطلع وشوش
لغز العدالة ياما فيه إدانة
في غابة يحكمها وحوش
...........( شعر )..............
عبد الله السايح
ليست هناك تعليقات:
إرسال تعليق