#قصيدة... #آه_يا_دنيا
_____________
يا ابتسامة فجر هلي
ارسمي الفرحة ف عينيه
وردي خدود الصباية
وفرحهيم يوم شويه
رجعي الضحة اللي راحت
وهاتي غنوة حب جايه
آه يا دنيا...
وشوشي الودع وهدي
خالي الدنيا تبقى وردي
داوي قلب المجروحين
ف عيون الطيبين
حد ضامن بكره يفرح
أو يأمن يمشي منها
وجو قلبه كلمتين
وتحت عينه دمعتين
آه يا دنيا..
آه يا دنيا حسي بيه
حسي لحظه باللي فيه
ليه..
ليه بتأسي كتير عليه
فرحيني ودوري بيه
وجبيلي كمان هديه
خالي قلبي يعيش شويه
آه يا دنيا..
عايزه أطير...
عايزه أطير بهوايا واسرح
وانسى حزني ف كل مطرح
وسعي ..
وسعي للفرح حبه
وعطريه بالاحبه
آه يا دنيا...
نفسي اخطي خطوتين
واملى قلبي بالحنين
عيشت يومي..
عيشت يومي ونفسي بكره. انسى حزني ويبقى ذكرى
أو حتى اكتب أي فكره
تزيد ف قلبي دقيقتين
آه يا دنيا..
نفسي اقول للدمع سيبني
ليه..
ليه تملي معاك واخدني
ياريت يابكره تكون سمعني
وتدق بابي بوردتين
ياريت ياحزن تكون ناسينا
ونقول يافرح احنا استبينا
آه يا دنيا ...
رايحه فين..
رايحه فين يا دنيا بينا
ف اي لحظه بتبيعينا
نفسنا...
نفسنا ف يوم تشترينا
نمسك الدنيا بإيديا
ونقول يارب انت المعين
ونقول يا رب انت المعين
إيمان ذهني
ليست هناك تعليقات:
إرسال تعليق