***********( نصيب )
7/5/2022
مجاهد عبدالهادي
رغم العواصف رغم الألم
بعيش واغامر علشان اداري الوجع
انا اصلي عايش بكل الصور
برئ كداب وعندي السبب
على حساب نفسي بجامل
شايف الزمان فيه كل العبر
والكل بيغني يا ليل يا عين على السلالم
طالع ونازل عمال بيرقص رقصته
ماهو كل واحد وله رقصه
وانا برقص بس من الوجع
من غير طبله ولا طار
والوجع ساكن جواه الالم
ماهو كل واحد جواه وجع
وانا بداري الوجع بالوجع
اصل الفرح بميعاد
مقفول عليه الباب
أما الحزن ساكن حتى مابين الزاد
بحلم والحلم بعيد
معرفش انه يوم مايتحقق
هيبقى لغيري نصيب
ليست هناك تعليقات:
إرسال تعليق