يا احلى .. إنسية ..
...........
يابنت ياللى حنانك زاد .
.شعلل فؤادى بحنيه ..
حبك وصل للقلب وقاد
ياعيون تحب الملاغية .
عملت لك قلبى سفينه
وشط راسى على المينا
وصورة يتنور برواز
تسعد فؤادى .. بحنيه
حسيت بقلبى فى حبك فاز
حبك فى قلبى يا عنيا
حبت حنين على كام ااشواق
وروح تحب المدادية
وموجك الدافى الهزاز
لمس فى قلبى .. وف عنيا
لقتنى زى حمام طيار
يطير .. ويرجع ... للغيه
لقتنى عايش جوه مدار
فارد قلوعى بحنيه
ولما قلبى إليكى اشتاق
ندهت لك جوه مدارى
رسمت نجمك ليل صاحى
منارة عاليه على السارى
عملت لك قلبى سفينه ..
من أول البحر لدارى
علقت لك شطك زينة
ولحن يعزف أغنية
عبير ربيعك ع الأغصان
يا احلى زهرة يا إنسية
..................... فارس الكلمة ..
ليست هناك تعليقات:
إرسال تعليق