ايام زمان
ياريت تعود ايام زمان
ايام كانت مليانه حنان
كان كل عيله ليها بيت
وفيه قبيله من العيال
وحوالينا العم والخال
بيتنا كان له سطح كبير
وقت المسا فيه نتجمع
كل الحريم و معاها الاولاد
و يحلى الرغى والحكايات
والضحك ما يبطل سعات
لا نعرف قلق ولا حتى خوف
رغم أننا على قد. الحال
كانت النفوس دافيه و صافيه
والقلوب بالخير. عامره
والرضا بكل. الاحوال
وياعينى لما الأمهات
تتنافس فى عمل اطباق
المحاشى و الحلويات
والابهات تيجى من شغلها
محمله باكياس الفاكهه
وكمان معاها المحمصات
لا يوم تعبنا فى مذاكره
ولا خوفنا من امتحانات
الدنيا كانت سهله وبسيطه
واحلى كمان م الحلويات
ياريت يدور الزمن بينا
وينعاد لينا كل اللى فات
وترتاح القلوب م التعب
ونرفع للفرحة الرايات
امال بدر
ليست هناك تعليقات:
إرسال تعليق