ذكريات ...بقلم الشاعر / علاء الجمالي.

ذكريات:

انا فاكر ف الستينات 
كنت بلعب وانا حافي 
والكورة كانت شرابات 
والشورت مرقع والقميص غير كافي 
وناكل عسلية ونبات 
ونشوف عربيات رش الناموس
والعسكري الخرافي
وعمرنا ما عكسنا البنات
ولا لعبنا وقت اضافي
وفاكر كمان
حاوي القرود
اللي كان بيلعب بالقرد
بالقلب الصافي
نستحمي وندعك الجلد
الصبح يطلع دافي
وفاكر المريلة
ولعببنا السبع طوبات
والضرب كان بهدلة
والشعبطة ع التروميات
اوقات استظرافي
دلوقتي ليه مش فاكر
غير اني ذكريات
وعمري اللي راح خلاص
اصبح معطيات
والزمن طافي
والعيال ما بتلعبش
ولو لعبت
خسارة عليا وغرامات
والحزن مصافي

بقلم / علاء الجمالي.