حضنك بيت ...بقلم الشاعر / مينا جميل.

حضنه بيت
هو شال همي وحمولي
اما بكيت
كل عمره ضاع عشاني
هو شق طريق لعمري
انا بيه ابتديت
كل حاجه فيا منه
لما يتكلم كأنه
حس بيا اما عانيت
هو نور للعمر كله
هو جوه القلب ضله
هو حب كبير فاضله
هو صوت نبضي وسكوتي
هو بعده عني موتي
بحر مليان بالحنان
جوه منه كتير امااان
حضنه دافي ومن زمان
نفس نبرة صوته صوتي
مها اقول هفضل اقوله
انه ابويا
اللي ضيع كل عمره
جوه ضحكه منه فيا
يمحي دمعي اللي ف عنيا
يبني احلام منتهيه
انه صحي النبض فيا
انه يوم يتباهي بيا
انه يمحي مني ايام م القسيه
طب مين بيدي بدون مقابل
غيره هو
طب مين يساعدك
تبقي احسن منه هو
ومين كمان
ينحت ف صخر الدنيا ليك
وبكل قوه
غير اب حاسس انه انت
وانت هو
ده بعد منه النور ظلام
وف عز مايكون الفرح
جوه البيبان هتكون بكيت
والوحده ويل
سندك خلاص مبقاش معاك
والصبح ليل
ينبع ف قلبك انهار الالام
والهم فوق كتفك وقلبك
هتشيله شيل
ده بعاده ويل

‫#‏مينا_جميل‬