الليل و آخره...بقلم الشاعر / سعيد عبد القادر السيد.

 الليل و أخره ♥

الليل مالوش أخر
و الصبر ده هاجر
ي دنيا سيبيني
أرتاح بأه شويه
طول عمري ظلماني
و بحزني كسياني
و غلبت أه ياني
و أنا ولا بيا
يا دنيا م الأخر
إعملي بقى خاطر
لعمري اللي سافر
و ضاع من اديا
دورت في الماضي
و الحاضر و الأتي
لقيتني يا دنيا
الدمع في عنيا
بقيت أنا خايف
م الأتي مش شايف
مجهول مخوفني
و الكرب حواليا
ليلي مالوش أخر
و صبري راح هاجر
يشوف واحد غيري
يفرح معاه شويه

♥♡♥ كلمات
سعيد عبد القادر السيد