سيبه يقسم
ويا الجن اضحك تتبسم
ابليس لما عليك هيقسم
فكر يرقص وسطه تحزم
هو يخطط انت تعزم
لما الجن يكون مشحون
سيبه مصيره مصير فرعون
تحت الأرض عايش مكنون
فكرك عمره عليه هيهون
لما الجن عليا اتنطط
حب عليا كمان يستعبط
لما يحب كمان يتظبط
رجله ببعض بقت بتخبط
لو حبيت تعمل دجال
انا حطيت جدك بشوال
لو هتغني تقول موال
هارشك لما طلعت شمال
لما الشر برجله يجيك
فكرك تطلع وياه شيك
ربي يخلص هو حاميك
ربك ع النية بيديك
لما تكون ابيض شفاف
ربك منه عايش بتخاف
أجمل شيء هو الانصاف
بنا مفيش أيتها خلاف
لو تعملي ابن العفريت
لو تظهرلي قوام وخفيت
لو عالحيط تطلعلي مشيت
لو تدخل علبة كبريت
ويا الجن اضحك تتبسم
ابليس لما عليك هيقسم
انت اتبسم
الشاعر صلاح الجنايني
ليست هناك تعليقات:
إرسال تعليق