عصفورى اتجن لشاعر حسن السحماوي

 عصفورى ...   أتجن ..!

.......................

الشجرة الممدودة جذور

وبتزحف من تحت الأرض سنين

علشان ما بتطرح فين ماتكون ..

ويحط عليها العصفور ..

ويزقزق من وقت غروب الشمس

ولحد ما يطلع صبح جديد ..

كليوباترا .. انطونيو..

أتاخر على حفلة كيوبيد

ايزوريس .. مستعجل

لبن العصفور ..

رمسيس .. فى ميدان مكشوف

من حرقة شمس نهار ..

يتحرك ركب ... أتون ..

ولفين مايكون ... حانكون ..

الحجر الناشف اترص ..

من عضم الجسم المطحون

والهرم الشامخ .. مأنون  ..

والشجرة الطارحة مرار ..

ماعدتش بتطرح .. نبق زتون ..

واهو طار العصفور 

مجنون     ...   مجنون ..!!

.................... شعر ..

حسن السحماوى