( كفايه جروح )
إبعد عني وروح ..... وكفايه عليا جروح
ياما شكيت وياما بكيت..من غير ماابوح
مش كل يوم.هفضل.ابكي..علي حالي وانوح
قدري ونصيبي اللي خلاني أحبك واعاني
ظلمني ورماني..في طريق كنت فاكراه أماني
ليه نصيبي خلاني أحبك..وانا مش نصيبك
وخلاك تقسي عليا .وانا مش حبيبك
جرحتني وما رحمت.. نوحي ودمع عيني
واللي صبرني عليك.كنت فاكراك شاريني
حرام عليك طلع طبعك..مش زي طبعي
وحبي واخلاصي ليك كانوا سبب همي
ياما كنت اروحلك .. بكل شوق وحنيه
وانت تقابلني بجفا.واشوف في عنيك الأسيه
وف عز احتياجي..لما كانت تغلبني اشواقي
كنت القاك ظالم وأناني .. وماتطفي ناري
ولما زاد حرماني.. وحيرتني افكاري
نصحتك وحذرتك كتير .. تعيد تاني التفكير
وتصون حب ووداد.. كانوا ليك كتير
ياما عذبتني وجرحتني.وانت مش داري
وحيرت امري وضيعت عمري..وشغلت بالي
ولا يعني علشان هويتك وبعمري اشتريتك
وانا إيه ذنبي لما الهوي..خدني لعيونك
وليه احب قاسي .. وقلبه بايعني ومزود همومي
وخلاني أشكي وابكي..وحرَّمْ عليا
نومي
صبرت كتير عليك ...وطال الإنتظار
والشوق هزمني..وجرحك ماسبني ليل ونهار
هنسي حبك غصب عني..اللي مكنش اختيار
وبكره الزمن يداوي جرحك..وينسيني قسوتك
ويعوضني ع اللي راح من عمري في محبتك
وانتي ياعيني ارتاحي ونامي .وكفايه دموع
خلاص ودعت حبه... وهنرتاح من ظلمه
ومن النهارده هنفترق ..ومن غير رجوع
خواطر ( اشرف الدغيدي )
حقوق الملكيه محفوظه
ليست هناك تعليقات:
إرسال تعليق