---------------خصلة
====
بلاش كلام معسول
والقلب جواك مقفول
كلامك ينيم حجر
متنقي ع الفراز مغسول
عارف امتي تتبسم
وعامل فيها ابن اصول
تتريس المجلس بكدبه
لو قولت يقولوا قول
مليون كلمة كدابة
ولا وحده عليها القول
دارس فنون (أضحك)
ع الدقن يبات مشغول
حريف معلم صناعي
حربايه في وسط وعول
تتلون امتي وفين
واللون يكون معقول
تبيع البلد بجنيه
والوطن بكيلة فول
مالك عزيز ولا غالي
وعندك لكل عقدة حلول
تحب ارض الغير
تكون لك ع الدوام علي طول
تسلم اخوك للخصم
او حتي لباب الغول
همك تكون متصيط
معروف للعاقل مع المخبول
وري ضهرك رميت
دينك وضميرك صبح مشلول
اصحي وقت الحساب
قرب والسيف بقي مسلول
سيف العدالة جاي
ارجع وتوب لاتزول
والسيرة عليك تحكي
والندم معاك هيطول
كوم الذنوب هده
بكلمة صدق فيها حلول
عيون الناس بتنام
وربك في السما بيقول
يا عبدي خاف مني
تلقاني معاك علي طول
طعم الحلال يا خال
يفضل علي اللسان ما يزول
ـــــــــــــــــــــ (محمود عمارالزلباني)
ليست هناك تعليقات:
إرسال تعليق