آاااااه ياحنا
ــــــــــــــــــــــــــــ
كل يوم يزيد الجرح
ويقل الفرح جوانا
ويكبر الألم فينا
وفين هنلاقي دوانا
الصبر مر وقلوبنا
من كتر القهر واجعانا
وآه جوه الصدر
شهيق وزفير حرقانا
وليل حالف مايخلصي
ولا فجره ناوي يطلع
وشمسه دايما نسيانا
وبكره عمره مازارنا
وليه طال انتظارنا
وكأن الدنيا نسيانا
ولا فاكره يوم ميلادنا
ولا هتحس بخروجنا
لأن يوم ماتولدنا
لفونا جوه أكفانا
وطلعت شهادة وافاتنا
أما شهادة ميلادنا
محبوسه لسه في الأرحام
ماتولدتش ويانا
وآه يانا
يادمع اتحجر جوانا
ماتنزل بقي وريحنا
ولا المكتوب علينا
نتكفن بشاش جراحنا
ونعيش ونموت في دنيا
مش فاكره حتي ملامحنا
وآه ياحنا
من دنيا بالأسي فاكرانا
وسارقه منا أفراحنا
وهاتكه حتي أسرارنا
وفاضحانا في أحزانا
وآه من دنيا
المتغطي بيها عريان
والمتعشم بات جعان
واللي مستني
الفرحه منها
مات في الأحزان غرقان
ويوم دفته إندفن
من غير قطنه وأكفان
ــــــــــــــــــــــــــــــ
شعر/السيدحماد
ليست هناك تعليقات:
إرسال تعليق