قصيدة / سفينة بوح .
عايزين سفينة بوح
نركبها ونفضفض
جوا الخلايق شوق
وكلام كتير مداري
ولسه برده ساري
الحرف ف المواعيد
ياسفينة جيا بعيد
ما تبكي ع اللي فاتوكي
عدي علي الطوفان
والمجري والمرسي
بالنية والإخلاص
نادي القلوب العاشقة
ولملمي الأيام
خلي الشراع محبوب
والدفة شايلة قلوب
وتكملي المشوار
من كل حرف زوجين
والحب ألف نهار
والحرف ويا القلب
هيعمروا الغرقان
لما الحروف تصدق
أول كلامها أمان
علي سفينة البوح
كل الكلام عشمان
واصل لبكره ونابت
وبيحضن الإنسان
ليست هناك تعليقات:
إرسال تعليق