بلاش عتاب ..!
..........................
بلاش تخنقنى بالأوهام
وتنسى الحلم فى عنيا
أنا جيت للحياة شفاف
وقلبى من بخار ميه
وعايش سكتى لقدام
وصدق الكلمة فى عنيا
............
بلاش يبقى الكلام فى كلام
تضيع كل ... ما لى !!
ماتهزمنيش .. بافكارك
ويدمينى الحنين فى هواك
أعيش الغربه فى بُعادك
ولو عاش الأمل يهواك ..
............
بلاش تقتلنى أوهامك ..!!
مرايتك جايبه من خلفى
وأنا عيونى بشوف قدام ..
وشمس نهارى تندهلى
لاعمر ماضيك بيوقفنى
ولا باهرب من الأحلام
عشان حلمك بيخنقنى
بخاف على نفسى م الأوهام ..!!
.................
غيابك عنى ....دوبنى ..
بقيت تايه .. مع الأيام ..
وصبرى .. خلاص ...
مايلزمنيش .. ماتخنقنيش
.......................... الشاعر .
حسن السحماوى
ليست هناك تعليقات:
إرسال تعليق