اوعي تسيبني .. بقلم الشاعرة / هناء محمود .ام عبير

اوعي تسيبني
وتهجر قلبي
بعد ماجيتك
واترجيتك
ورميت قلبي 
جوة جوارحك
واتمنيتك
اتمنيت
ابقي سبب فرحك
واشغل فكرك
وابقا حبيبك

اوعي تبيعني
وانا بالغالي كله
شريتك
بقلبي وروحي
ونبض بيجري
بيني وبينك

قلبي وعمري
والله مايساوو
لحظة ف بعدك

من وقت ماحبيتك
كله فداك
طوع امر هواك

وكفاية عليا
اني
المح طيفك

اوعي تسيب في
الزحمة ايديا
اوعي تطفي
لمع عنيا

اوعي تجري
الدمع ف عيني
انت اساس نبضي
وتكويني

انت بتجري عشق
وحب
جوة وريدي

اوعي يهون يوم
قلبي عليك

اوعي تسيبني
حبيبي في ناري
انا ياما كتير اتمنيت

تبقي الجنة واعيش
جواها
اصل النار في وجودك
جنة
واصل الجنة في بعدك
ناري

اوعي حبيبي
اوعي تسمح ولاتوافق
ان دموعي بسببك تنزل
وان قليبي الاخضر
يدبل

اوعي حبيبي
كن لي الحضن
الدافي الطيب
كن لي ايد
ب حنان بتطبطب
كن لي روح
في جرحي
تطيب

وانا راح اكون لك
ام واخت
حب وعمر
راح يبدأ جوة عنيك
م الاول

راح اكون لك صورة
واكون لك نفسك
راح اكون لك اصل

انصح فيك لو مرة هتغلط
وامسك فيك لو
مرة هتبعد
وبقلبي وروحي
فيك وهتبت

اوعي تسيبني وتبعد عني
اصل ساعتها روحي
تروح
لو تقسي
او تهجر حبي
هناء محمود... ام عبير