عزيني في الوطن . بقلم الشاعر / عبد الفتاح عزت .

عزينى فى الوطن
-=-=-=-=-=-=-
عزينى عزى فى الوطن
وأبعتلى توب أبعت كفـن
بكيـت وخلصت الدموع ..
علشان يعود مفيش رجوع
وحلمت بيه والحلم خــان ...
طلع النهار ضاع الأمــان

وقلوب بشر متحجره
سرقوا دواه الأمريكـــــــــان
كان حى واقف وأندفــــن
عزينى عزى فـى الوطن

مصر يا صورة بتتحـــرق ..
ياشعب نايم حلمك غرق
مين اللى خانك ومين ســــرق ..
وبدل حياتنا لمجــــذره
دى بلدى ماشيه بضهرها
بتحب ف اللى يغشاها
فاتحه المزاد ع ارضها
وبيوتنا صبحت مقبره
ناسونا حتى اسمها
لعبو ف ملامح وشها
لو تنطق كنت هقولها
العيشه فيكى بقت خره

بقلم الشاعر /
عبدالفتاح عزت
٢٠١٧/٦/١