زرعة ايديا .. بقلم الشاعرة / هدي سيد .

الشاعرة هدى سيد

قصيدة ( زرعة ايديا )
بقلمى هدى سيد
٢٠١٧/٧/٣

قسم الوقت ف حياتك
لو هينوبنى منه تمن
وإدى جزء لناس صحابك
منه جزء ل حب عمر
وإدى جزء منه تالت
تبذل المجهود ف شغل
قسم الوقت ف حياتك
وابنى نفسك وابنى ذاتك
قوم ي إبنى قوم وسيبنى
إوعى تقعد جنب منى
فجأة تضيع منك سنينك
وتسرسب من بين ايديك

رد هو ياما لأ
مش هاسيبك تانى وحدك
هابقى جنبك هابقى حدك
مش هاسيب حد يشاركك
جوه منى أو ف قلبى
قلبى ملكك مش ل شرك
مش هاسيبك بين حيطانك
تروى ب الدموع غيطانك
تحصدى وجعك وحزنك
لما تنادى بعلو حسك
يا ابنى مش بترد ليييه
لييييه سايبنى وحدى لييه
الحياة واخداك ف ساقية
إنت نسيتنى ولا ايييييه
شوفى ي امااا الصورة كاملة
قبل ما يفوت الأوان
لسه عايزة أشوف حياتى
وتبقى جزء من حيااتى
لسة مصرة ع الكلاااام

دمعة نزلت من عنياااا
نبض قلبى زاد شوية
خدته بين أحضان ضلوعى
لاجل لااا يلمح دموعي
ده أنت يا واد إنت اللى شبهى
شوف ملامحك من ملامحى
والطيبة اللى جوه قلبك
هى نفس والله طيبتى
عايزة أشوف أحفادى منك
لو كنت خايف م البعااااد
يا ابنى برضه مش هخااف
قلبك ده زرعاه ب إيدي
وساقية نبته ب الحنااان
مهما تبعد أو تغرب
قلبى ليك بستان أمان
قلبى مصدر للحنااااان
راح تعود من تانى ليه
ده انت منه وهو منك
يبقى ليه تخاف وتقلق
ده انت من سلسال حلال
مش هتضيع تعبى فيك
مش هتضيع تعبى فيك