http://scmplayer.net

السبت، 15 يوليو 2017

باب الوداد .. بقلم الشاعر / معوض حلمي ..

( فن ..... الواو )
( رباعياتي.. حياتي )
______________
( باب الوداد )
______________
باب الوداد صدى
وقلبي حالف يراضيه
دلوني ياهل الموده
حبيبي فين أراضيه
باب الوداد مقفول
والصد بيعمل مناعه
إفهم معاني القول
وافتحلي .... شراعه
باب الوداد مسحور
والقلب م الهجر مات
ونور الصبايا الحور
بيدور وليهم علامات
باب الوداد بابي
مفتوح مالوش اقفال
لو يجوا أحبابي
هاغني 100 موال
باب الوداد حنه
والورد ليه غيران
مايجي .... يتحني
دا الجنه بالغفران
باب الوداد مسافات
وشوقي ليه جابني
والقلب ليه وقافات
سلمت له صابني
باب الوداد تايب
بنادي قلبه بلاغيه
وقلبي حبك ماتايب
زي الحمام بلا .. غيه
باب الوداد اللي دايب
كتير حبايب فاتوه
تايهه وماشيه الركايب
لو غاب دليلك تتوه
______________
بقلمي ........
معوض حلمي 
ربما تحتوي الصورة على: ‏‏شخص واحد‏، و‏‏نص‏‏‏
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)