واد جدع ..... الشاعرة / إيمان سامح

واد جدع
شخبطه ل / ايمان سامح
اه يا قلبى اللى اتوجع
من كتر ما شايف بدع
ساكت وصابر
عامل لى فيها واد جدع..؟!!!
شايف وشوش زى الوحوش
ليهم قلوب ... وﻻ يرحموش
يخبطوا....تفتح لهم...
ترتاحلهم...وتضمهم
وبعد لما تحبهم....
بيطعنوك .... وﻻ يشفقوش
ترجع و نقبك ع الفاشوش
تقول دا ماس...يطلع ازاز
وكل ماتعشم فى ناس
من تانى ترجع تنخدع
ترجع تقول انا واد جدع
بالله ... راضيه زمتك
ماف مرة حاجه المتك...؟
او وجعتك وﻻ جرحتك...؟
طب مره حسيت بالضياع...؟
ولﻻ اشتريت..... والكل باع
اكدب وقول مافيش ف مره
حسيت بنار هجران وفرقه..؟!!!!!
دا الناس تقول ... الغربه مره
وانت
انت بتحلا غربتك..!!!
بزمتك... !!!
طب عيب عليك
خانق شعورك بين ايديك
وجاى تقول.... انا بتمرع
وتقول لى برضوا انك جدع
اتخيب على خيبتك ياخايب
ياللى مالك ف الفرح نايب
صارر اﻻحزان ......زكايب!!!!!
والله دا زمن العجايب
مدبوح وجى للجرح طالب
وعامل لى فيها شيخ ورع
طب قول لى كدبه تنبلع!!!!!
دى النار ف قلبك ليل نهار
شغاله تولع
طب قبل ماتنصحنى انا ...
لنفسك...... انفع.!!!!!
وﻻ على رائ المثل
باب النجار دايما ﻻبد ينخلع.؟
لساك مصمم يا جدع
وبرضوا مش راح ترتجع..؟!!!
خايف...
خايف لو مره جيت حكيت
ولﻻ اشتكيت
او جوه صدرى ف يوم بكيت
يجوا يشاوروا الناس عليك
ويقولوا انك واد خرع
ماتخافش ...
مش هاسكتلهم ...
وهاقف معاك و ضدهم ...
وهاقول عليك
انك مش بس واد جدع....
دا إنت أصل الجدعنه
واد عتره واجدع م الجدع
بس انت احكى ....
خرج اللى جواك واشكى
استحلفك بالله ياقلبى ...
مره واحده بس.......
ابكى
مسكين ياقلبى اللى انخدع
والله كنت ........واد جدع