لاجل النبى .. بقلم .. عونى هشام

لاجل النبى
هاقول واصلى ع النبى
يا مسلمين يا موحدبن
صحوا ضميركم والنبى
اصل الايمان مش كلمه
بيقولها اللسان
ماهو اصل وصانا النبى
احسن ايمانك الجم لسانك
اياك تخون لو حتى خانك
وادع ف خشوع هتكون
مع سيدنا النبى
لاجل النبى
هاقول واصلى ع النبى
اسمع ندايا وقول ورايا
يارب حقق مطلبى
نشوف بلدنا
فيها خير ولادنا
نعيش امان مع الجيران
وتوعدنا بزيارة النبى
لاجل النبى
يارب حقق مطلبى
لو عشت مرفوع الجبين
وامسح بايدى دمعة حزبن
اقول يارب انت المعين
يبقى دا غاية مكسبى
لاجل النبى
صلوا بينا ع النبى
============
عونى هشام