☆حوار مع صورة جدى☆بقلم ..☆حسان غانم☆

☆حوار مع صورة جدى☆
قولى يا جدى زعلان ليه
حالنا يزعل ...حد مقصر
رد ياجدى و قولى ف إيه
وشك بيدبل...حتى مكشر
قلبى واخدنى أيوا عليه
نفسى يرد عليا و فسر
جوا قلبه إيه مداريه
يمكن أنا أقدر
أرسم ضحكه تملى عينيه
قلبه دا سكر
أصل الطيبه مزروعه فيه
بيزرع و يشكر
كل الخير عمال يجنيه
بتاريخه سطر
حارب شاف الموت ب عينيه
بس زمنا يا جدى ممرر
علشان ما إنتش موجود فيه
كله بكسر...كله بدمر
فى تاريخ كنت إنت بتبنيه
عارف إن ..من جواك متأثر
زعلك غالى ياريت نمحيه

→بقلم←
☆حسان غانم☆
المنصوره

أعجبني