وتدور سواقى الغضب
تروى غيطان الروح
دم العروبة هرب
والصوت صبح مبحوح
...........
نصرخ بأعلى صوت
نسمع لصوتنا سكوت
عاشقين حياة الموت
والا احنا جايز يمكن
ف اﻻصل مالناش صوت
...........................وتدور سواقى الغضب
............................تروى غيطان الروح
تدبل امانينا
من كتر ما قاسينا
والحزن فى عينينا
شاهد مآسينا
غرسوا الألم فينا
وتعابين فى كل شق
مخنوقة كلمة حق
وقت الخروج م الحلق
تتوه خطاوى الخلق
وسط الألم والنوح
...............وتدور سواقى الغضب
..............تروى غيطان الروح
ليست هناك تعليقات:
إرسال تعليق