{ شنتة سفر تشرين }...بقلم الشاعر / اليان سمعان ابو طوني

==000 { شنتة سفر تشرين } 000===--
........................................................
وصّل المطر تشرين ما اروعك
-*-*-*-*-* بيبدا بكي العشاق وبتدمع الغيمات

علّي لصوتك رعد قاعد اسمعك
*-*-*-*-* مطر حروف الشوق لاتعذب الكلمات

ياصيف بدمع الفراق عم بقشعك
*-*-*-*-* حملو الغربة الم بشوقهن شنتات

بكيت حجار البيت لاتشارك مدمعك
*-*-*-*-* وصار الفرح ذكرى عادفاتر حسابات

كيف خدت الكل يافراق ما اطمعك
*-*-*-*-* حبست القلب محروق بجنينة الاهات

ياترى دمعة صبية مفارقة ماوجعك
*-*-*-*-* ولا خيتو زغيرة بالحكي بكت الحجرات

وام تحلفلو بالغصب راح رجعك
*-*-*-*-* وبيو يقلو لمين يابني تركت هالشيبات

خلي النهاية حب والهنا بيمطلعك
*-*-*-*-* يافراق تشرين رجاع وعيد الحسابات

تشرين تعبتني محتار شو بعمل معك
*-*-*-*-* ردلي حباب القلب باقي بالعمر ساعات
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
يارب رد كل غايب ع بيتو
مساكن فرح برجعة الغياب
كل الاصدقاء والاحباب

بقلم /

اليان سمعان ابو طوني