لا تنسي ...بقلم الشاعر / اليان سمعان ابو طوني

***/\/\/\***::: لاتنسى :::***/\/\/\***
"""""""""""""""""""""""""""""""""""""
مرقت غياب الشمس والفكر مهموم
()()()----- ومقصرة الفستان فيها القلب علق

طلت عليي وجه البدر مرسوم
()()()----- والورد بخدود الحلا ساكن وعشق

ياحب دخلك لاتنسى مابعرف عوم
()()()----- خايف لاغامر هيك بعيونها واغرق

يابحر لاتضحك ياحرف اوعى تلوم
()()()----- راح بنطر طلوع الشمس عالمفرق

ياحلم لاتخلص ضلك معايا دوم
()()()----- بلكي احلام الهنا شي يوم تتحقق

امسك حبيبي لنو بطرف الهدوم
()()()----- يطل الفجر بكير والقلب يتشوق

ياحب كلو نصيب موزع ومقسوم
()()()----- وانا نصيبي جن بفستانها الازرق

"""""""""""""""""""""""""""""""""""""""""
صباح الغزل والحب غوالينا

اليان سمعان ابو طوني