بأحلم ..بقلم الشاعر / محمد عبد القادر

باحــــــــــلم

فوق الجبال
تحت السحاب وسط الشجر
بين الرمال جوه الضباب ويا المطر 
أنا نفسى أعيش ...أنا نفسى أكون
دمعه .. أو إبتسامه .. شمعه .. أو غيامه
لكن بعيده ...بعيده عن دنيا البشر
هنـــاك ... هنـــاك راح أكون ملاك
وأنا معاك مش ممكن أشعر بالخطر
فوق الجبال
أنا نفسى أعيش نفسى أكون
ورده تكــون من أى لـــون
همسه تعيش جـــوه العيــون
لمســـه تشـــيل كــل الظــنون
أنا نفسى أعيش ... نفسى أكون
نسمايه على طول المدى
نجمايه هلا م الفضا
بسمه فى حبات الندى
ومعاها باحلم بالسفر
ومعاها باحلم بالسفر
محمد عبد القادر