من وين ....بقلم الشاعر / اليان سمعان ابو طوني.

--==0*0==--(( من وين ))--==0*0==--
~~~~~~~~~~~~~~~~~~~~~~~~~~~~
يابحر قلي بس ازرقك من وين
--==0*0==-- ياما شردت كتير وسالت موجاتك

لايكون صبغة من سحر عالعينين
--==0*0==-- قلي الحقيقة كيف ورد وحياتك

كيف الحلا قلي بينكتب حرفين
--==0*0==-- يمكن وراق الدني بتعوز همساتك

قلي شو سرك ياجامع القلبين
--==0*0==-- بيحلى الحكي والحب عاغياب شمساتك

هالبيت عالي كتير مابيوصلو سطرين
--==0*0==-- حملني معك شوفا مابين غيماتك

شاعر غزل ضايع مابين نارين
--==0*0==-- بيطفي لنار العشق بيولع بجمراتك

حرف الشعر محتار يجيبها من وين
--==0*0==-- عيونا الزرق قصة ولون مياتك

ياحب راح بنطر على الشطين
--==0*0==-- بحر وهدب هالعين اسمع لهمساتك

ارسم عارمل البحر للفرح دارين
--==0*0==-- دخلك يابحر الحب لاتعلى بموجاتك
....................................................................
صباحكم امواج فرح
نسمات الامل
عبير الحب
اصدقائي...

بقلم / اليان سمعان ابو طوني.