هي .... دي ؟؟؟ ...بقلم الشاعرة / علا عمار .

هي ...... دي...؟؟؟

طيب أنت جوه قلب دي...
اللي دايما روحها ليك...
عاشقة كل حاجة فيك...
قلبها ..مشغول عليك...
سايبة روحها بين إيديك....

عارف....؟؟

كل الدنيا جنبك متساويش...
من غير هواك مقدرش أعيش....
ولا حتي أتنفس غير معاك...
نايمة ...صاحية ... بسمع نداك...
سامعة صوتك ..دق قلبك...من غير لقاك....

مجنونة....!!

أيوه....
أنت عارف ....
إني مجنونة بهواك...
وإني جولييت وعبلة....
وأنا ليلاك...

وأنت عارف...

كل..... حاجة في حياتي ليك...
حتى همسي ف عز صمتي بيناديك....
والدنيا عندي طعم تاني بجمال عينيك..
مش عايزة منهاغير رضاك واعيشها فيك...

علا عمار