(موجوعة )
موجوعة ومش عارفة تقولي اه
اه
اه
ايه اللي واجعك وسط أيام الكلام
جوعة وعطش
قرصة شتا
عند المنام
سلطان كفيف صابه الطرش
ودنين من الطين والعجين
مهواش طبيب
ولا دكتوراه مع مرتبة الشرف
مين اللي سايبك وسط ايام الشتا
وسط العذاب
متكعمة علي سكة القطر اللي رايح للصعيد
في مكان بعيد
وفي وسط أحوال دهرك اللي مالوهش دار
ولا ايه قرار
وعيالك اللي مرصرصة فوق الدكك
متجمدة
متلخمدة بكوفية او شال
مالية القطار
علي ضفة النيل الحزين
وعلي الترع
وسط الشوارع والغيطان
والليل طويل زي الحبال
ماجايبش اخره
فجر الوطن
مراضيش يبان
كا اما بتشقشق عياله بتتدفن وسط التراب
اتوجعي من وسط أحضان السواد
اتكلمي دا لكل ليلة بياض
سيبي السكات
الخوف مهواش العلاج
الخوف مهواش العلاج
بقلمي/أحمد حسين
ليست هناك تعليقات:
إرسال تعليق