جريح منهار
فى يوم م حلمت اكون طيار
لقيت الكون غريب عنَى
و يو م م اخترت اكون بحار
لقيت احساسى بيخونَى
بقيت عايم مع التيار
و بغسل م العرق همَى
و بحكى لحالى عن حالى
و بشكى و شكوتى منَى
بكيت حيره و عذاب و مرار
فى عز م كنت متشوَق
فى عز م كنت متهنَى
حلمت الحلم متزوَق
بنور الشمس متحنى
لقيت فجرى اللى جاى بكره
و انا العاشق و مستنى
بيخطف م الخيال فكره
و صوره اتكونت منَى
رجع طيفى الغريب للدار
بقيت مشغول و مش عارف
و ايه بس اللى يرضينى
و ليه قلبى انخطف منَى
يروح الفكر و يجينى
بقيت محتار و متحيَر
فى نظرة شك من عينى
بشوف الورد متغيَر
و نارى الآيده ف جبينى
لقيت نفسى الجريح منهار
رجع طيفى الغريب للدار
لقيت نفسى الجريح منهار
بكيت حيره و عذاب و مرار
بقلمى \ محمد العربى
ليست هناك تعليقات:
إرسال تعليق