نصحا نلاقى الضله
بتضحك
جوَّا الضحكه
سبع نخلات
عصفاير
تزرع كف النسمه
مليون بسمه
ترسم قلب السما
فراشات
نجرِي
نعبِى السكة خطاوِى
قُله قناوى
تجرى ف قلب الريق
مسافات
ساقية بتفرش
جنب الترعه
غاويه تعاكس
ف الزلعات
تغزل وش الفجر
قنايه
ترمى ف عين الكحله
صبايا
وتحدفنا
برَّا الاوجاع
تجمعنا
ريحة النعناع
والمطرة
أم ضفاير فضة
ف قلب غِيطانا
بتتوضا
وان جُعنا
بلقمة بتتقضَى
وان تاه الحلم بنتلاقَى
مع كنكة شاى
وطيور ع التوته بتتمايل
على صوت الناى
كنا زمان
************************************************
كلمات الشاعر : سليمان صالح احمد ( سليمان خطاب )
ليست هناك تعليقات:
إرسال تعليق