وحى صورة ========= عونى هشام

وحى صورة
========= عونى هشام
من وحى الصورة
انا هرسمها
بلحن و نغمات
كانت فى شبابها
دى اموره
وخدودها كانت
زى الشربات
-------------
عنيها دبلت
يا خساره
عارفها وجارتى
انا فى الحاره
دموعها تسرسب
من عينها
كنت بعدها
زى الحبات
-----------
بسألها
خبت فى دموعها
مسكت بطنها
كان من جوعها
الهدمه عليها
ما ستراها
كانت بتعيش
اليوم بفتات
------------
ماهو حالى
كان يشبه حالها
وجرالى كتير
برضه جرالها
كان عندى رغيف
اخدت نصه
وحكيتلى كتير
عن احوالها
وبكينا
احنا الاتنين فى سكات
-----------
الدنيا فيها
ياما فيها
فى هدومنا
بلاوى نداريها
بس الغلبان
عايش حرمان
وبعزة نفسه
بيخفيها
ولا تسمع منه
حتى اهات
==== =======
عونى هشام

أعجبنيتعلي