مجلة صالون الأمل الألكترونية الثقافية الأدبية الفنية

عايز بعد الحب .. دا أيه ..!
.................................

كنت الروح اللى بتسكنى
كنت الأمل اللى مسهرنى
لما رسمتك على باب قلبى
يومها منحتك .. كل ما عندى ..
عطف .. محبه .. وشوق يراضيك
بس لقيتك ... غايب عنى ..!
......................
كنت مصدق فيك ... أوصافى ..
كنت الرى اللى بيروينى

كنت حنينى وشوقى الدافى
كنت النجم الصاحى فى ليلى
وكنت الشط الى فى مجدافى
واما وصلت لبحر ... هواك ..
موجك عالي .. وبحرك عافى
كنت راح اغرف .. وأنا فى أديك ..
..................
مش محتاج ... قربك يظلمنى
ولا محتاج بُوعدك .. يألمنى .!
اصل عواطفك .. غابت عنى ..
لما هوايا .. كان بيريدك ..
شوفت الهجر .. وبان فى عنيك ..
......................
غايب عنك لكن حاضر
جوه حنين العهد الصابر
لما الأمل النايم يصحى
يبقى حقيقى حبك قادر
............................

فارس الكلمة ..
حسن السحماوى ..