ان فكرت في حلم كبير .. بقلم الشاعرة / بتول العتربي .

إن فكرت فى حلم كبير
تصبح فيه م المشاهير
كنت ح تتعب ياما كتير
وتبات صاحى م التدوير
عايش عمرك وأنت اسير 
حلمك يبعد بالمشاوير
كله سراب كله سراب

إن حبيت وعشقت جميل
قلبه دا عايش بالتضليل
وأنت يا عينى فى قلب الليل
تتعب حالك فى المواويل
قاعد فاكر قلبه يميل
كله سراب كله سراب

عارف أصلك فصلك ايه
وأنت يا فارد قلعك ليه
من يوم يومك وأنت يا بيه
نافخ نفسك بس عليه
كله سراب كله سراب
#بتول العتربى