اغلي نسخة من حوا ... بقلم الشاعر / احمد طلبه

أغلي نسخة من حوا
============
ماشاء الله علي جمالك
علي حسنك وفضل الله
ماشاء الله علي روحك
وطله حسن تبقي حياه

يااغلي نسخه من حوا
ياروح برائتها من جوا
مافيش في الدنيا ولا قوه
هتأذيكي بأمر الله

وانا عنك ماهستغني
أنا بيكي أنا أغني
ويبكي يكون كمان معني
لواحد قلبه قبلك تاه

ماشاء الله يا أغلي ملاك
ملاك وعينيا أنا شايفاه
ولو في الدنيا دي اشواك
اخطي لقلب بتمناه

ودا قلبك ياروح عايشه
في روحي وحلم بجري وراه
عشان روحي كانت طايشه
وشافت فيكي فضل الله

وبدعي ربنا يحميكي
من ناس الجمال كرهاه
وبالخير هو راح يرضيكي
يا أغلي نسخه من حوا

احمد طلبه