احلام الطفولة ..بقلم .. الشاعر / اليان سمعان ابو طوني ..

- احلام الطفولة --=0()
~~~~~~~~~~~~~~~~~~
عندي بنت زغيورة
حلوة كتير وامورة
بتحب الدراسة كتير 
مرة قالت سحورة

*****
بدي ادرس دكتورة
وصير كبيرة ومشهورة
وجدي من كتر الدخان
لاصدرو بعمل صورة

*****
وباسل بيصير مهندس
وطاقية الشغل بيلبس
وجسر الي وقع بالحرب
بمسطرتو بدو يجلس

*****
وفارس بيصير محامي
للحارة بدو يحامي
بيحبو عمي منصور
قاضي السرايا الشامي

*****
وفادي راح يعمل نجار
من زغر بيحب الكار
وبيي واعد لايجبلو
احلى قدوم ومنشار

*****
واختي سمورة زغيرة
معك بدي ربيها
راح اعطيها العابي
وادعي ربي يخليها

*****
راح نبقى طيور الجنة
للوطن بدنا نغني
بكرى راح منصير كبار
معلش ياماما استني

****
انشالله ياماما بكرى
بتتحقق امانيكن
وفيكن ارفع راسي فوق
وادعي ربي يعطيكن

*** وهيك قالت سحورة ***
.....................................
لاطفالكم كل الاماني
لهم كل الحب
قبلة على
الجبين
صباح الطفولة

بقلم / اليان سمعان ابو طوني.