الدم غالي لكن التراب اغلي.. بقلم .. الشاعر / رأفت يوسف .

(الدم غالي لكن التراب اغلي)
ومين ...
رخص دماك يابني 
وسال انهار علي
ترابي

ومين ...
خاين جبان غدار رضي
بموتك وذود حزني
وعذابي

دا دمك غالي ياضنايا
وضحيت
لاجل اخوك مايعيش قبلت الموت

سعيد راضي
وغليت التراب ع الدم
وقولت دمي
يرخصلك ماانا
ابنك
فداكي روحي
يابلادي

انا زفاك لرب كريم
عريس في الجنه
فيها شهيد
وسلم ع اللي ضحي معاك دماكم غاليه
ياولادي

ياحتة من حشا امك
وقلب ابوك انا
فاكراك بلون ارضك
وناس حبوك
باشوف روحك علي
بابي

مانيش عارفه
اقولك ايه لكن
حفراك يانن العين
وهاكتب كل
شئ عنك في كراسي
وفي كتابي

بانك دم عربي اصيل
ومصري لون
سمار النيل
بتتكلم بصوت فلاح
وبدوي ونوبي
وصعيدي

كتبت بدمك العنبر
رساله تقول
ولو دمي كمان غالي
تراب بلدي اكيد اغلي
تراب اهلي
واجدادي

مع السلامه ياضنايا
انا قلبي عليك راضي
فراقك كان علي عيني يافرحي وزهري
وشبابي

وسلملي علي اخواتك
هناك سبقوك
وناس ضحوا لاجل
ماعيش .. هناك
في الجنه ناس زيك
ماهو انتم كل
احبابي

وبلغهم بأن دمهم غالي
تهون الدنيا
ياولادي
عشان ضوفر واحد منكم
بنيتوا بدمكوا الغالي
شموخي
وكل امجادي

سلام من ام دعيالك
نعيم في الجنة
لشبابك
ياحته من تراب ارضي
كانت ساكنة هنا جنبي
وعايشه في
قلبي وفؤادي

بقلم الشاعر رافت يوسف