اعتذار ...! ( ليس لمجهولة الاسم والعنوان !!)...بقلم .. الشاعر / أحمد عبد اللطيف النجار .

اعتذار ...!
( ليس لمجهولة الاسم والعنوان !!)

كلمات / أحمد عبد اللطيف النجار
شاعر أم الدنيا الحزين

مش تقدم لي ...
اعتذار
مش تبررّ لي ...
قرار
قلبي من القسوة
لقيته كله ..
سواد ومرار !
كنت حاير أعمل إيه ؟
كنت باسأل ..
فين وليه ؟!
قالوا اصبر ..
علي اللي سابك
لكن مش تبكي عليه
داس عليك ..
وأنت الحزين
مش رحم ..
فيك الأنين ..
ولا عِشرة...
السنين ..
يبقي لازم تهجره
يبقي لازم تزجره
تنسى شكله ومنظره
مش تقد له اعتذار !!
فين عِزة نفسك ...
واعتزازك بكرامتك ؟!
وابتسامة رضا ..
عنوانها شهامتك
اللي سابك ...
قول له روح ..
ومعاك سلامتك
امنع خيرك عني
ومعاه اعتذارك
اكفي شرك عني
فرّحني بفرارك
حبي لك خلاص ...
نسيته ..
ونسين انتظارك
القرار صعب عليا
أنت كنت نور عينيا
انطفي وساب في قلبي
صورتك وإعلان اندحارك !
يعني مش فارقة ...
معايا ...
اعتذاري ..
أو اعتذارك !
اعتذاري ...
أو اعتذارك !
اعتذاري ...
أو اعتذارك !!
أحمد عبد اللطيف النجار
شاعر أم الدنيا الحزين