( نداء.....خاص....بالشعر )... بفلم .. الشاعر / محمد ابو سخيل الباشا .

( نداء.....خاص....بالشعر )
***************************
مين يا شعرى ....نادى لك.
ومين قالك ......
تدق الباب .؟
ومين خلاك .....تسهرنى ...
انا وحدى ......
على الأعتاب .؟
ومين غيرك.....محيرنى ...
ومين جابك ......
من الأحباب. ؟
ومين خلى القلم ..يكتب ...
ودخلنى ...
مع ........الكتاب.؟
أنا يا شعرى
بقيت صاحى وانا نايم
وانا ماشي باكون هايم ..
مع الأصحاب.
وأصحابى يادوب ...
ورقة وقلم
وطير ف السما رفرف
وغنى ....وداب.
وحروف تسطر ..الكلمات
بلون الورد والصحبة
ونظرة حب ..مسروقة
من ...الأهداب .
انا كاتب ..لأفراحى
للوعة قلبى وجراحى
وحتى الدمعة باكتبها ..
بلحنها ..بناى ..او غاب.
ويسمعها نسيم بحرى
وموج ساحر ...
على الشطآن
يرددها ....شجن ..وعتاب.
انا يا شعرى بتألم ..
وبتقلب على الجنبين
بشوق وحنين .....
بلا ............... ..أسباب.
أنا اللى الفكرة سحبانى
ووخدانى معاها ...لفوق
تطير بيه ...لنجمة ليل
فى وسط سحاب .
وأقضى الليل وأنا شارد
وانا ساكت وبتأمل
وأكتب سطر والتانى .....
واروح فارد...جناحاتى ....
وصمتى ... يطول ..
....................على الأبواب.
وأقول يارب سبحانك.....
هديت روحى ...
جمال ف الكلمة والمعنى
وأهديتنى ......لبعض صواب.
خيال واسع ....
قطوف رحبة
من الرحمات ...
من الصحبة
.....................من الأحباب .

( محمد الباشا )