هشام الدشناوى
كلمات متقاطعة
وكانت أما بنتقابل...................أطب من أول طلة
قوام غزالة بيتمايل..................تخطى وانا أقول إسمالله
حبيبتى كان ليها جدايل.............أما الجمال والله ماخلا
ح أقولكم إيه لأ مش قايل..........ل تقولو إن أنا باتبلى
كانت بتلطعنى اللطعة.............أستنى فيها واتقلى
تهل كالنجمة الساطعة.............وجايبة وياها مجلة
تحل كلمات متقاطعة..............قال إحنا يعنى بنتسلى
أحس وياها بمتعة.................واقول لنفسى أقول وللا
تقولى ما تحل معايا...............تلاتة رأسى قول ياللا
أقولك إيه هو أنا فاضى .........دانا ف جمالك باتمللى
أموت ف رقة فستانك............وشعرك اللى لمس خدى
وادوب فى ريحة برفانك.........ياخوفى لاخرج عن حدى
أقول يا أرض ماتتهدى...........دى أحلى من حور الجنة
فى الدنيا مين زيى وقدى.........معاها قاعد باتهنى
أمانة يا وقت تهدى................خلى الدقايق تستنى
وسيبنى اعبر عن ودى...........وأقولها أنا باتمنى
تتمنى إيه بس ياربى.............يا عم قولى إتنين رأسى
أتمنى أعبر عن حبى............وابوح بكل اللى ف نفسى
للجزم تنفع لم أو لن..............لم ولن أفضح نفسى
وأقوم ما قولتش لها حاجة.......غير حبة أفقى وكام رأسى
وكانت أما بنتقابل...................أطب من أول طلة
قوام غزالة بيتمايل..................تخطى وانا أقول إسمالله
حبيبتى كان ليها جدايل.............أما الجمال والله ماخلا
ح أقولكم إيه لأ مش قايل..........ل تقولو إن أنا باتبلى
كانت بتلطعنى اللطعة.............أستنى فيها واتقلى
تهل كالنجمة الساطعة.............وجايبة وياها مجلة
تحل كلمات متقاطعة..............قال إحنا يعنى بنتسلى
أحس وياها بمتعة.................واقول لنفسى أقول وللا
تقولى ما تحل معايا...............تلاتة رأسى قول ياللا
أقولك إيه هو أنا فاضى .........دانا ف جمالك باتمللى
أموت ف رقة فستانك............وشعرك اللى لمس خدى
وادوب فى ريحة برفانك.........ياخوفى لاخرج عن حدى
أقول يا أرض ماتتهدى...........دى أحلى من حور الجنة
فى الدنيا مين زيى وقدى.........معاها قاعد باتهنى
أمانة يا وقت تهدى................خلى الدقايق تستنى
وسيبنى اعبر عن ودى...........وأقولها أنا باتمنى
تتمنى إيه بس ياربى.............يا عم قولى إتنين رأسى
أتمنى أعبر عن حبى............وابوح بكل اللى ف نفسى
للجزم تنفع لم أو لن..............لم ولن أفضح نفسى
وأقوم ما قولتش لها حاجة.......غير حبة أفقى وكام رأسى
هشام الدشناوى
