......انتي عمري.......
لو لفيت الدنيا بحالها
لو مارلين مرلو بجمالها
لو كل الستات بدلالها
ييجو مكانك ميكفوش
......
لو راح اعيش عمرين على عمري
لو كل الدنيا دي على أمري
لو حتى الجنه دي من حقي
من غيرك دي متلزمنيش
.....
لو كل الدنيا دي احباب
والحب اتجمع واتجاب
واتوزنو على اي حساب
على كفة حبي ما وزنوش
٠٠٠٠٠
انا اكتر م الدنيا بحبك
واتمنى اللحظه اللي ف قربك
ولا بقدر لحظه وانا جمبك
اقفل جفني ولا رموش
٠٠٠٠٠
انتي حبيبتي وروحي وعمري
انتي نجومي و شمسي وقمري
انتي الحلم في نومي وسهري
انتي الحب اللي ما شفتوش
.......
انتي سنين العمر حياتي
انتي الماضي وانتي الاتي
انتي دوايا في وسط اهاتي
قبلك عمري دا معشتوش
......
انتي عمري الجاي كله
شمس قلبي كمان وظله
احلى شي في يوم حصله
واللي لسا محصلهوش
.......محمدهيما........
ليست هناك تعليقات:
إرسال تعليق