(صدقيني ياعمري)
لو لسه مشغوله وعايزه تطمني
وعن اول حب في حياتي بتقصدي وتتكلمي
أحلفلك بدمع العين اللي بتجري ع الخدود
حبك في قلبي كبير ومالوش حدود
ومفيش عاشق عِشق زيِي في الوجود
ده هواكي ياعمري مدوبني دوب
وغرامك ملكني وعنه ازاي اتوب
ومن يوم ماشوفت عيونك الحلوين
والكحل في جفونك متوهني يانور العين
وإزاي أقدر أخبي جوايا الشوق والحنين
ورموشك السود خطفوا عقلي وانتي ملوعاني
ولو كنتي ياحبيبتي لسه مش مصدقاني
حُطي ايدك علي قلبي بشويش وإسمعيه
وعِدِّي كام دقه من دقاته كل ثانيه بتقولك إرحميه
ما انتي روحي وكل حاجه في دنيتي وإسأليه
ولو قلبي خبيٰ عنك دقه واحده، إوعي تصدقيه
فداكي عمري اللي إبتدآ لما نورتي حياتي
يا أول تنهيده لقلبي وأول آه من آهاتي
من يوم ماقلبي حبك مادق دقه إلاَّ ليكي
يانبع الحب والحنيه بحبك وبموت فيكي
سبحان من خلق حُسنك وجمالك وبعتك ليا
يا أجمل سنين عمري اللي لسه جايه
حبك خلاني اسعد إنسان في الدنيا
صدقيني حبي ليكي مهواش حب عادي
بحبك بجنون وزي حبي غير موجود في الدنيادي
ولو يوم حبيت أوصفلك غرامي
منين ياعمري أجيب حروفي وكلامي
ولو لقيت يادوب أقدر أوصف سحر عنيكي
كل الأحاسيس ماتقدر توصف لمسه واحده من إيديكي
...........................
خواطر(أشرف الدغيدي)
حقوق الطبع محفوظه
ليست هناك تعليقات:
إرسال تعليق