ايام الصبا .. بقلم .. الشاعر /اليان سمعان .

  000===***{ ايام الصبا }***===000

ِِِِِ
""""""""""""""""""""""""""""""""""""""""
ايام الصبا شو بتخطري عالبال
---==0*0==--- كانت الكلمة شرف والحب 
النقي

كان القلب يرقص لويلمحك بخيال
---==0*0==--- ويتذكر بهاك المسا كنتي
تمرقي

بهاك الوقت صعب الحكي ينقال
---==0*0==--- مش عارفة عملتي وقلبي
تحرقي

مع جارتك ورفيق بعتلك مرسال
---==0*0==--- تمري عليي قصد تغنجي
وتشوقي

كتبتك قصيدة وقلب العذارى مال
---==0*0==--- زغير بعدو الحرف ل جمالك
مارقي

بذكر بعيد الحب مرة بعتلك شال
---==0*0==--- يمكن دقيقة شكر عاكتافك
مابقي

جربت كل السبل وانقطعت الامال
---==0*0==--- وعرفت مافي وسيلة عاقلبي
تشفقي

هونيك ليلة هربت لااسكن بعرزال
---==0*0==--- وقعدت اشرب كاس هالحب
الشقي

واكتب قصيدة الم والعين دمعا سال
---==0*0==--- لمحتك عاطرف الكاس عم
تتعمشقي

دخلك يارب الكون غير الاحوال
---==0*0==--- خدتي القلب والروح لسا شو
بقي

خاتم الخطبة معي ومحبس وسنسال
---==0*0==--- بعدن معي لليوم حتى
تصدقي

مدت ايدين الشمع والحلم منها نال
---==0*0==--- معقول عاطراف العتم الليلة
نلتقي

غمرتك بعتم الشوق ياوحي مابتنطال
---==0*0==--- ياريتك بغفوة عين روحي
بتعتقي

جن الحلم يوما حتى قمرنا زال
---==0*0==--- بعتنا الفجر مرسال ياشمس
لاتشرقي

--=0 ايام الصبا شو بتخطري عالبال 0=--
~~~~~~~~~~~~~~~~~~~~~~~~~~
الشاعر السوري المهجري ... اليان سمعان ...
...........................
صباحكم
ذكريات حب
ذكريات العشق والشباب
ازهار البنفسج والياسمين احبائي