مالك يا قلبي ... بقلم الشاعر / أشرف الدغيدي.
- ( مالك ياقلبي )
- مالك ياقلبي وليه الخفقان
- وليه دايما عايش حزنان
- حواليك ناس كتير
- وعايش ليه وحيد
- يمكن عشان حبك كبير
- والقريب لك عايش بعيد
- حاسس ياقلبي بمرارك
- وصعبان عليك احوالك
- بتحب ناس بيك مش حاسين
- عايشين معاك ومش دارين
- مليان ليهم بالحب والحنيه
- وبتلاقي منهم ياقلبي أسيه
- معلش ياقلبي اتحمل شويه
- مادامت لسه فاكرهم
- ومش قادر علي نسيانهم
- ولا قادر تستغني عنهم
- يمكن يجي يوم ويحسوا بيك
- ويندموا علي اللي عملوه فيك
- ويطلبوا منك تسامحهم
- علي أسوة وجحود قلوبهم
- وظلمهم ياقلبي ليك
- سنين وانت متحملهم
- وصبرت كتير علي اسوتهم
- ويرجعوا ياقلبي زي زمان
- ويرجع ليك الحب اللي كان
- مفرحك معاهم ومهنيك
- والدنيا ترجع تفرحك تاني
- بعد ماكانت معانده معاك
- وبعد ماكان حبيبك اناني
- يرجع تاني يتمني رضاك
- وتعوض ياقلبي ايام حزنك
- لما تلاقي الحب والحبيب بقربك
- ولو مرجعوش ياقلبي ليك
- يبقي الله يعوض عليك
- فالعمر اللي راح معاهم هدر
- وانسي قلوب لابتستاهل ولا بتقدر
- وحبك ياقلبي ليهم كان عليك خطر
- خواطر ...( اشرف الدغيدي)
ليست هناك تعليقات:
إرسال تعليق